Դիլիջան

Ամսի 24- ից սկսվում են մեր աշնանային արձակուրդները։ Եվ մենք ցանկացանք, որպեսզի արձակուրդները անց կացնենք Տավուշի գեղատեսիլ վայրերից մեկում ՝ Դիլիջանում։ Մեր ճամփորդությունը կտևա երեք օր։ Ըստ պլանի մենք պետք է ծանոթանանք տեղի եկեղեցիներին, վանքերին, տեսարժան վայրերին։ Քանի որ ես ապրել եմ Տավուշում ծանոթ եմ բոլորին։ Ես շատ եմ այցելել Հաղարծին, նույնիսկ ես այնտեղ եմ կնքվել։  Այժմ ես ձեզ կպատմեմ Հաղարծին վանական համալիրի մասին։Հաղարծինի համալիրի կազմում են երեք եկեղեցի, երկու գավիթ, սեղանատուն, աղոթարաններ, խաչքարեր: Հաղարծինը շատ հին եկեղեցի է։ Այն գտնվում է անտառի մեջ։ Վանքի տարածքում, հուշարձանների գլխավոր խմբից արևելք, ժայռալանջին աղոթարաններ են, գեղաքանդակ խաչքարեր։ Հաղարծինում գտնված բրոնզաձույլ կաթսան գեղարվեստական մետաղագործության բարձրարվեստ նմուշներից է․ շուրթի պսակի փորագրությունը նշում է պատրաստման տարեթիվը՝ 1232, չորս կանթերն առյուծների արձանիկներ են, ոտքերը նույնպես զարդարված են գեղարվեստորեն: Այս ամառ մեծ շուքով նշեցին Հաղարծնի շաբաթ։ Մեկ շաբաթ ամեն օր մեծ տոնակարություններ էին կատարվում։ Տարբեր տեղերից երգչախմբեր և տարբեր մարդիկ էին գալիս այդ տոնը նշելու։ Ես նույնպես մասնակցել եմ այդ համերգներին մեր երգչախումբը մեծ ելույթ ունեցավ։ Կգնանք և դուք կտեսնեք, թե ինչ գեղեցկուհի է թաքնված անտառի մեջ։

Մասիսի ձկնաբուծարան

Որպեսի շաբաթ օրը հետաքրքիր ու բովանդակալից անցնի, մենք մեր սիրելի ուսուցչուհիների՝ ընկեր Հասմիկի և ընկեր Լուսինեի հետ մեկնեցինք Մասիս քաղաքի ձկնաբուծարան։ Ձկնաբուծարանը շատ մեծ էր գրեթե բոլոր ջրավազաններն էլ նույն չափ էին։ Ջրի ջերմաստիճանը + 16 աստիճան էր։ Ջուրը լցվում էր մի կողմից և դատարկվում էր դեպի Արաքս գետը։ Ձկների քանակը կախված էր ջրից։ Այնտեղ ծանոթացանք ձկների << Թառափ>> տեսակին։ Շատ հետաքրքիր էր։ Նրանք լողանում էին երկու ձև՝ մեջքի վրա և փորի վրա։Նրանք երբ ուրախ և կուշտ են լինում քիթը վեր են բարձրացնում և լողանում։ Նրանք մեծ և փոքր էին։ Առաջին հերթին մենք ծանոթացանք <<Թառափ >> տեսակի մեծ ձկների հետ։ Հետո ուղևորվեցինք մյուս ձկնաբուծարան։ Այնտեղ ծանոթացանք մանրաձկների հետ, ոսկեփայլ և ծիածանափայլ իշխանների հետ, ճապոնական սազանների հետ, որոնք չեն կարողանում ապրել մաքուր ջրում, քանի որ նրանք ձվադրում են ցեխի վրա և այդ պատճառով նրանք ապրում են կեղտոտ ջրում ։ Շատ հաճելի և հետաքրքիր էր նրանց դիտելը և նրանց մասին հետաքրքրվելը։ Հետո գնացինք Սուրբ Թադէոս եկեղեցի։ Եկեղեցում երգեցինք, աղոթեցինք, մոմ վառեցինք։ Հետո մի փոքրիկ պիկնիկ կազմակերպեցին և հետ վերադարցանք Երևան։ Շատ հաճելի օր անցկացրեցինք։ Հուսով եմ նորից կայցելենք։