Այսօրվա օրը ինչպես միշտ սկսվեց ընդհանուր պարապմունքով, մեզ շատ լավ օր էր սպասվում։ Պետք է այսօր միանայինք Ժաննա Ալբերտովնայի ջոկատի հետ և մի հրաշալի օր ունենայինք, և այդպես էլ արեցինք։
Նախ և առաջ ավտոբուսով շարժվեցինք դեպի Մարտիրոս Սարյանի տուն թանգարան։ Այնտեղ մեզ պատմեցին Մարտիրոս Սարյանի մասին և ցույց տվեցին հիանալի նկարներ, պատմեցին թե այդ նկարները որ թվականին և ինչպես է արվել։ Իսկապես ինձ շատ դուր եկավ, ինձ հետաքրքիր էր թե ինչպես է այդ ամենն անում Սարյանը և այդ ամեն ինչի՝ մանրամասների մասին մեզ պատմեց գիտաշխատողը։ Ներքևում նրա նկարների թանգարանն էր, այնտեղ էին գտնվում Սարյանի նկարները, բաըց ցավոք ոչ բոլորը։
Նաև այնտեղ էր գտնվում այն իրերը, որոնք ժամանակին օգտագործել է Սարյանը։ Նրա իրերը, մատիտները, հագուստները և ամեն ինչ։ Նաև կար երկու հատ շատ գեղեցիկ կուժ, նա ժամանակին օգտագործել է դրանք։
Իսկ հետո բարձրացանք նրա տուն, որն էլ ինչպես ասացի գտնվում է վերևում։ Ուսումնասիրեցինք նրա տունը, սենյակները և այլն։ Գիտաշխատողը մեզ պատմեց նաև նրա ընտանիքի մասին՝ նրա երեխաների և կնոջ մասին։
Իսկ հետո ժամանակն էր մի բան ուտելու, գնացինք պոնչիկանոց։ Այնտեղ պոնչիկ կերանք, մի լավ տաքացանք կակաոյի շնորհիվ և գնացինք Կարապի լճի սահադաշտ։ Այնտեղ հագանք մեզ տրված չմուշկները և սկսեցինք սահել։ Բոլորս էլ շատ ուրախ էինք, քանի որ ունեցանք հիանալի և անմոռաց օր։